corona-stamp

    Computer-Service: 26 74 12

    corona-stamp

    Léif Client’en, léif Leit alleguer,

    Fir d’Gesondheet vun eise Mataarbechter, eise Client’en an all de vulnerabele Leit beschtméiglechst ze schützen hu mir de 16. Mäerz 2020 decidéiert fir eis Noutfall Pläng z’aktivéieren an och eise Buttek zu Manternach zou ze loossen.Mir hunn eis Kommunikatiounsmëttel ëmgestallt fir datt eis Techniker Iech beschtméiglechst via Télémaintenance per Teamviewer an Telefon hëllefe kënnen. Dir kënnt eis wéi gewinnt op eiser normaler Büro’s Nummer 26 74 12 oder per E-Mail (corona@eye-t.lu) erreechen.

    Fir Iech weider och mat Material, egal op en neie Laptop, Peripherie, Tëntepatrounen a.s.w. ubidden ze kënnen, schaffe mir just nach per Liwwerung direkt bei Iech heem. Wéi gewinnt ass de Liwwerpräis zu Manternach gratis. Mir hunn awer och elo nach d’Gemenge Biwer, Bech, Rouspert-Mompech, Mäertert a Gréivemaacher mat an dëse Gratis Liwwerservice geholl. Fir all aner Gemengen aus dem Land sammele mir e puer Commandën zesummen a féieren se mindestens eemol an der Woch zum Präis vu 15€ TTC / Commande eraus.

    Vue datt mir do natierlech op d’Infektiounsgefor oppasse mussen, gi mir net an d’Haiser eran, mee stellen et virun d’Dier, schellen, ginn e puer Meter zeréck a waarde bis Dir d’Material am Grapp hutt. Bei Froen oder wann Dir Hëllef no der Liwwerung braucht kënnt Dir dann eis Techniker op eiser normaler Büro’s Nummer 26 74 12 oder per E-Mail (corona@eye-t.lu) erreechen.

    Mir bidden eise Client’en eng Virinstallatioun bei neie PC’en oder Laptop’en un, soudatt Dir direkt lassleeë kënnt wann Dir de Stecker bis agestach hutt.

    Wat mir de Moment net méi ubidde kënne si Reparaturen. Dat einfach aus deem Grond well et keng gutt Iddi ass fir PC’en a Laptop’en aus verständleche Grënn ze desinfizéieren är mir se mathuele géifen. Well de Corona Virus awer relativ laang (et weess kee genau wéi laang) op Uewerflächen iwwerliewe kann, musse mir dowéinst mat de Reparature bis no der Kris waarden.


    Kontakt-Informationen

    Manternach
      2C op der Gare
      L-6850 Luxembourg
    info[at]eye-t.lu

    Kontakt-Formular

    Please publish modules in offcanvas position.